हय हांगा राजकारण आसा,
राजकारण करपी
राजकरणीय आसात...
स्वताची भाकरी भाजून घेवपी
संदी-साधू,
स्वार्थीय आसात.
कोणाक स्वार्थ कदेलाचो,
कोणाक फामाद जावपाचो हाव,
हीच संद दीसता खरी,
कोणाक तासु,
कोणाक खांव?
धर्मा भीतर फूट घालपाक
एका पांयार तयार थोड़े,
भगवे झेंडे घेवन मुठीत,
मुठ धांपुन जाल्यात उबे.
पूण हांगा आसा एक हांवूय
हांव जो न्हीदील्लो सुस्त,
भायल्या भीतरल्यांक
मारीत गाळी,
जांबयो काडपात आसलो गुल्ल.
आळसाय ती करूंन पयस
आता उठला नीमणो हांव,
आसत कसलेय कोणाचेय हावेस
म्हाका फकत गोंयचो थाव,
म्हाका फकत गोंयचो थाव...
No comments:
Post a Comment