नवो प्रवास

दोन दुकां गळ्ळी पोल्यार

खोशयेंत ताचे सामील जातना

हुंडक्यांनी रडील्ले काळीज

वांटो आमच्यो वेगळायतना

आयज सैमाक चडल्या नशा

धूंद आमकां तोंखेतना

तेन्ना कुपांय गेल्लीं आटून

आमकां घडये थातारतना

थरोवन मांडील्ल्या नात्याची

घडी आयज गुंठलायतना

नांवा बगर नवो प्रवास

तुजे साक्षीन आळयतना,

दी वचन चंद्र सुर्या

दी वचन निळ्या दर्या

परत चुकली वाट जाल्यार

थातारनाका पिश्या मनां

थातारनाका पिश्या मनां